"გეტყვით, მათ შორის რა მოხდა" - ცნობილმა იტალიელმა ჟურნალისტმა დე ლაურენტისისა და სპალეტის შესახებ ისაუბრა
ცნობილმა იტალიელმა ჟურნალისტმა ჯანკარლო დოტომ "ნაპოლის" პრეზიდენტ აურელიო დე ლაურენტისისა და ამავე გუნდის მთავარ მწვრთნელ ლუჩანო სპალეტის შესახებ ისაუბრა. მისი თქმით, მათი ხასიათიდან გამომდინარე, კონფლიქტი გარდაუვალი იყო.
"არ მინდა მიკერძოებული ვიყო, თუმცა არიან ადამიანები, რომლებიც ერთმანეთს ვერასდროს გაუგებენ. მათი კონფლიქტის შესახებ ჭორები გასულ სეზონშიც არსებობდა, მაშინ, როდესაც "ნაპოლის" საქმეები არც ისე კარგად მისდიოდა.
აქამდე მათი შუამავალი ჯუნტოლი იყო. თუმცა "პარტენოპეიში" მისი მომავალი დიდი კითხვის ნიშნის ქვეშაა.
ვინ გაწვრთნის "ნაპოლის"? დე ლაურენტისს რაფა ბენიტესთან შესანიშნავი ურთიერთობა აქვს. ასევე არ გამოვრიცხავ ანტონიო
კონტეს ვარიანტს. ვფიქრობ, ყველაზე რეალური სწორედ ეს ორი კანდიდატია", - განაცხადა დოტომ.
შეგახსენებთ, "ნაპოლიმ" სკუდეტო 33-წლიანი პაუზის შემდეგ მოიგო. "პარტენოპეი" სერია A-ს გამარჯვებული ისტორიაში მესამედ გახდა.
