"იტალიური პასპორტი რომ ჰქონოდა?" - მანჩინიმ კვარაზე ისაუბრა

მაისი 13, 2023 - 17:10
1521
"იტალიური პასპორტი რომ ჰქონოდა?" - მანჩინიმ კვარაზე ისაუბრა

იტალიის ნაკრების მთავარმა მწვრთნელმა რობერტო მანჩინიმ Tuttomercatoweb-თან ინტერვიუში "ნაპოლის" ახალგაზრდა გარემარბის ხვიჩა კვარაცხელიას შესახებ ისაუბრა. 58 წლის სპეციალისტის თქმით, იგი "კვარას" თამაშს თვალყურს იქამდე ადევნებდა, სანამ "პარტენოპეიში" გადაბარგდებოდა.

"ხვიჩა შესანიშნავი ფეხბურთელია, მისი თამაში "ნაპოლიში" გადასვლამდე გაცილებით ადრე ვნახე. ვაღიარებ, შესანიშნავი თვისებები აქვს. კვარაცხელიას რომ იტალიური პასპორტი ჰქონდეს? მის გარეშეც მოვძებნიდით, მაგრამ პასპორტით უფრო მარტივი იქნებოდა", - განაცხადა მანჩინიმ.

შეგახსენებთ, ხვიჩა კვარაცხელია "ნაპოლის" 2022 წლის ზაფხულში ბათუმის "დინამოდან" შეუერთდა. მიმდინარე სეზონში ახალგაზრდა შემტევმა "პარტენოპეის" მაისურით ყველა ტურნირზე ჯამში 39 მატჩი გამართა,

თავი კი 14 გატანილი გოლითა და ამდენივე საგოლე პასით გამოიჩინა.