პროტესტი ნაპოლიდან - პარტენიპეი ხვიჩას Coca-Cola-ს ეტიკეტზე გამოჩენას ეწინააღმდეგება
როგორც მოგეხსენებათ, რამდენიმე დღის წინ საქართველოს ეროვნული ნაკრების ფეხბურთელები, მათ შორის ხვიჩა კვარაცხელიაც, Coca-Cola-ს ეტიკეტზე გამოჩნდნენ.
გავრცელებული ცნობებით, "კოკა კოლა ბოთლერს ჯორჯიამ" Coca-Cola-ს ახალი შეფუთვით წარმოება UEFA-ს 21-წლამდელთა ევროპის ჩემპიონატისა და ეროვნული ნაკრების მხარდასაჭერად დაიწყო.
იტალიურ პრესაში გავრცელებული ინფორმაციის თანახმად, კვარას ეტიკეტზე გამოჩენამ "ნაპოლის" პროტესტი გამოიწვია.
როგორც მედიაში იწერება, ქართველი მოთამაშის 100%-იან სარეკლამო უფლებებს "პარტენოპეი" ფლობს და ამ საკითხთან დაკავშირებით ნეაპოლელები ინფორმირებულნი არ იყვნენ.
სწორედ ამის გამო, Coca-Cola-ს, შესაძლოა, იმ ბოთლების გაყიდვიდან ამოღება მოუწიოს, სადაც ხვიჩა არის გამოსახული.
აქვე გეტყვით, რომ "კომერსანტი" ამ საკითხის გაკრვევასა და საქართველოს ფეხბურთის ფედერაციასთან და Coca-Cola-სთან დაკავშირებას ცდოლობს.